27 Mei 2006

27 Mei 2006

omahku lan omahe tanggaku

Lagi tangi turu,

ana swara kang gawe kisruh

tembok kiwa, tengen, lan jubin padha obah

ora bisa mlaku

mandheg, jejeg, melu obah

kabeh padha kisruh

padha semaur “kukuh bakuh, kukuh bakuh!”

wong-wong padha metu

akeh omah kang padha rubuh

wong-wong padha nggoleki kulawargane dhewe-dhewe

ana kang slamet, ana kang ora

dadekake kahanan kang nrenyuhake

akeh kang padha tetangisan

kedadeyan apa?

Lindhu ana ing Bantul, 27 Mei 2006

Pupus Tresna

Pupus Tresna

Wis tau ngrasakake

lara, kang larane ora ana tambane

sliramu kaya kembang

kembang kang arum manis, nanging akeh erine

sapa kang ora kepencut

nalika semana, aku tresna marang sliramu

nanging pancen kembang kuwi akeh erine

sliramu uwis ora tresna marang aku

apa ana priya liya?

lan nyatane sliramu pancen tresna marang priya liya

lara atiku mung bisa tak rasakake

apa tambane lara atiku?

Pupus rasa tresna

Desaku

Desaku

Asri, adhem ayem rasane

disawang katon ijo royo-royo

bisa nentremake ati

nyawang kiwa akeh omah kang gedhe-gedhe

nyawang tengen wit-wit gedhe kang ngawe-awe

kapisah dening dalan kang jembar

yaiku kang diarani “Ring Road”

ing jero akeh kebon lan sawah

ijo royo-royo

nanging, saiki wis ditanduri beton

kang gedhe-gedhe, kang wis ora ijo maneh

akeh pepilingan kang gawe gumyak

saka golek iwak nganti bal-balan

sapa ta kang ora ngerti?

DONGKELAN….